EUSKARA | CASTELLANO

Mendialdea II Eskola publikoa

Hezkuntza emozionala

Ikasleek hasten behin, tutorearekin saio bat izango dute hezkuntza emozionala lantzeko. Bertan, honako puntu hauek landuko dira:

  1. Kontzientzia emozionala: zer sentitzen dugun jakitea, sentitzen ditugun emozioei izena jartzea, besteen emozioak identifikatzea eta horiez kontziente izatea, norbere egoera emozionalaren kontzientzia hartzea, emozio guztien esanahia ulertzea eta emozio bakoitzaren abantailak eta desabantailak ezagutzea.
  2. Erregulazio emozionala: emozionalki bortitzak diren emozioei modu egokian aurre egiten laguntzen die esate baterako: estresa, frustrazioa, nekea, haserrea, ahultasuna, segurtasun eza, poza, ilusioa...
  3. Autonomia emozionala: gure buruan konfiantza izaten, autoestimua indartzen, modu positiboan pentsatzen, gure burua motibatzen, erabaki egokiak hartzen eta erantzukizunak modu lasaian hartzen laguntzen digu, baldin eta konpetentzia hori era egokian lantzen badugu.
  4. Giza abilezia: egoera sozial ezberdinen aurrean sor daitezkeen emozio positibo zein negatiboak maneiatzeko gai izatea da konpetentzia honen xedea.
  5. Bizitzeko eta ongizaterako trebetasunak: gizabanako guztion helburua zoriontsu izatea da eta horixe da, hain zuzen, burutzen ditugun ekintza guztien xedea (dimentsio emozionalean, ongizate subjektiboa delakoa). Konpetentzia honek bizitza osasuntsua eta orekatua izateko baliabideak eskaintzen ditu, bizitzan sor daitezkeen oztopoei aurre egiteko.

por

Eskolan emozioak lantzen

Zergatik da garrantzitsua adimen emozionala garatzea?

Ikuspegi psikopedagogikoari dagokionez, esku-hartze sozioemozionala oso garrantzitsua dela frogatu da ( Álvarez, 2001) eta horren adibide dira eskola porrota, ikasteko zailtasunak, ikaskideekin harremanak izateko zailtasunak, etab. Egoera hauek egoera emozional negatiboak sortzen dituzte.

Adimen emozionalaren garapena, ikasgelan izan daitezkeen arrisku-faktuoreen prebentzioan zentratzen da. Ikasleen arteko harremanak eta ikasleen ongizate subjetiboa hobetzea du helburu.

Horregatik, Eskolan emozioak modu sistematizatu batez lantzea erabaki dugu. Haur hezkuntzatik hasita lehen hezkuntza etapa bukatu arte hezkuntza emozionalari tarte bat eskainiko zaio.

Helburuak:

  1. Ikasleen arteko gatazkak murriztea.
  2. Gatazkken aurrean konponbide baketsua ematea. Horretarako gatazkak konpontzeko baliabideak eskaintzea.
  3. Irakasleei baliabideak ematea.
  4. Talde kohesioa lantzea.
  5. Gure eta besteen emozioak ulertzea.
  6. ikasleak ezagutza eta konpetentzia emozionaletan trebatzea