Eguraldi txarrari aurpegi ona jartzeko asmoz, bizikidetza-hezkidetza batzordetik, euria egiten duen egunetan, kutxa mitologikoak patiora ateratzen hasi gara. Kutxa bakoitzean jolas ezberdinak daude, mahai-jolasak, mugimenduzkoak, …
Kutxa hauen helburuetako bat ikasleek, euria egiten duen egunetan, baliabide gehiago izatea da. Modu honetara harremanak sendotzen, elkarbizitza hobetzen eta gatazkak saihesten lagunduko du.
Honetaz gain, kutxen arduradunak ikasleak izango dira. Horretarako txaleko laranjak jantziko dituzte, eta ikaslego guztiak lan honetan parte-hartuko du. Modu honetara, ardurak hartzen eta materiala zaintzen ikasiko dute.
